(គេហទំព័រសារព័ត៌មាន​ ស្ម័គ្រជាតិ)ជុំនាញខាងប្រព្រឹតបទល្មើសបំផ្លាញធនធានធម្មជាតិព្រៃឈើរបស់ក្រុមហ៊ុន សំអឿនសុវណ្ណ ក្នុងព្រៃព្រះរកានិងរលាយរយះពេលយ៉ាងខ្លីខាងមុខនេះ

ចេញផ្សាយថ្ងៃទី៦ ខែវិច្ឆិកា ឆ្នាំ២០១៩

ខេត្តព្រះវិហារ : កាន់តែ​ខ្លាំងក្លា​ជាង​មុន​ហើយ ខណៈប្រធាន​មន្ទីរ​បរិស្ថាន​ខេត្តលោកអ៊ា សុខានិង​នាយដែនជម្រកសត្វព្រៃព្រះរកា លោកយ៉ាន ប៊ុនធឿន កំពុងសង្ងំធ្វេីមិនដឹងរបៀបកន្ទេលធំបន្លំដេក។

ប្រភពពីប្រជាសហគមន៍ការពារព្រៃឈេីព្រះរកា ក្នុងស្រុក​ត្បែងមានជ័យ ស្រុក​ឆែប និង​ស្រុក​ជាំ​ក្សាន្ត ខេត្តព្រះវិហារ បាន​ឲ្យ​ដឹងថា រយៈពេល​២​សប្ដាហ៍​ចុងក្រោយ​នេះ បទល្មើស​កាប់​ព្រៃឈើ​និង​ដឹកជញ្ជូន​ឈើ​ចេញពី​តំបន់​ព្រៃ​ព្រះ​រកា មាន​សភាព​កាន់តែ​ខ្លាំងក្លា​ជាង​មុន​ទៅទៀត ព្រោះ​គ្មាន​មន្ត្រី​ជំនាញ​ឬ​សមត្ថកិច្ច​ពាក់ព័ន្ធ​ណា​ចាត់វិធានការ​ទប់ស្កាត់​សោះឡើយ។ ប្រជា​សហគមន៍​ការពារ​ព្រៃ​ឈេីព្រះ​រកា បាន​ឲ្យ​ដឹងថា មន្ត្រី​បរិស្ថាន​និង​សមត្ថកិច្ច​ពាក់ព័ន្ធ​ដទៃទៀត គឺជា​អ្នក​ឃុបឃិត​ឲ្យ​មាន​បទល្មើស​កាប់​ឈើ ដឹកជញ្ជូន​ឈើ​ចេញពី​ព្រៃ​ព្រះ​រកា យ៉ាង​គគ្រឹកគគ្រេង​ដើម្បី​ជា​ថ្នូរ​នឹង​ផលប្រយោជន៍​ផ្ទាល់ខ្លួន​របស់​ពួកគេ​។

រីឯ​លោក ប្រាក់ សុវណ្ណ អភិបាលខេត្ត​ព្រះវិហារ និង​លោក អ៊ា សុខា ប្រធាន​មន្ទីរ​បរិស្ថាន​ខេត្តព្រះវិហារ រក្សា​ភាព​ស្ងៀមស្ងាត់​ក្នុងខណៈដែល​បទល្មើស​កា​ប់​ឈើ​ក្នុងព្រៃ​ព្រះ​រកា កំពុងកំរេីករាលដាលឡើងវិញយ៉ាងគឃ្លេីននិងច្បាប់ស្តីព្រៃឈេី។

តាមសេចក្ដីរាយការណ៍ពីមន្ត្រីអង្គការមិនមែនរដ្ឋាភិបាលក្នុងខេត្តព្រះវិហារ បាន​ឲ្យ​ដឹងថា កន្លងមក​គណៈកម្មកា​រ​ជាតិ​ដើម្បី​ទប់ស្កាត់​និង​បង្ក្រាប​បទល្មើស​ធនធាន​ធម្មជាតិ មិនបាន​ចាត់វិធានការ​បង្ក្រាប​ក្រុម​ឈ្មួញ​ប្រព្រឹត្ត​បទល្មើស​ព្រៃឈើ​នៅ​តំបន់​ព្រៃ​ព្រះ​រកា ក៏ដូចជា​តំបន់​ព្រៃ​ឡង់ ក្នុង​ខេត្តព្រះវិហារ នៅឡើយ​។ ដូច្នេះហើយ​ទើប​មាន​ក្រុមហ៊ុន​មួយចំនួន​ដូចជា ក្រុមហ៊ុន សំអឿន សុវណ្ណ និង​ក្រុមហ៊ុន​អង្គរ​ប្លាយ​វូដ ហ៊ាន​បន្តសកម្មភាព​បំពាន​កាប់​ឈើ​នៅក្នុង​ព្រៃ​ព្រះ​រកា ក៏ដូចជា​ប្រមូល​ទិញ​ឈើ​ដែល​ក្រុម​ឈ្មួញ​និង​ក្រុម​ជនល្មើស​ដឹកជញ្ជូន​ចេញពី​ព្រៃ​ព្រះ​រកា ដោយ​គ្មាន​ខ្លាចក្រែង​អ្វី​ទាំងអស់​។

សូម្បីតែ​លោក សាយ សំ​អាល់ រដ្ឋមន្ត្រី​ក្រសួងបរិស្ថាន ក៏​រក្សា​ភាព​ស្ងៀមស្ងាត់​ផងដែរ បើទោះបី​រយៈពេល​២​សប្ដាហ៍​ចុងក្រោយ​នេះ បទល្មើស​កាប់​ឈើ ដឹកជញ្ជូន​ឈើ​ចេញពី​ព្រៃ​ព្រះ​រកា មានការ​កើនឡើង​យ៉ាងគំហុក​ក៏ដោយ​។

សេចក្ដីរាយការណ៍​ពី​ប្រជា​សហគមន៍​ការពារ​ព្រៃ​ព្រះ​រកា បាន​ឲ្យ​ដឹងថា ប្រសិនបើ​លោក ប្រាក់ សុវណ្ណ អភិបាលខេត្ត​ព្រះវិហារ និង​លោក អ៊ា សុខា ប្រធាន​មន្តីរ​បរិស្ថាន​ខេត្តព្រះវិហារ មាន​ឆន្ទៈ​ក្នុងការ​បង្ក្រាប​បទល្មើស​បំផ្លាញ​ព្រៃ​ព្រះ​រកា គឺ​គ្មាន​ឈ្មួញ​ឬ​ជនល្មើស​ណា​អាច​ហ៊ានកាប់​ឈើ​និង​ដឹកជញ្ជូន​ឈើ​ចេញពី​ព្រៃ​ព្រះ​រកា បានឡើយ​។ ប៉ុន្តែ​ជាក់ស្ដែង​លោក ប្រាក់ សុវណ្ណ និង​លោក អ៊ា សុខា សម្ងំស្ងៀម​ហើយ​ទុក​ឲ្យ​លោក យ៉ាន ប៊ុនធឿន នាយក​ដែនជម្រកសត្វព្រៃព្រះរកា និង​បក្ខពួក​ធ្វើ​អ្វីៗ​តាម​អំពើ​ចិត្ត​ទើប​មាន​ក្រុម​ឈ្មួញ ក្រុម​ជនល្មើស​កាប់​ឈើ​ដឹកជញ្ជូន​ឈើ​ចេញពី​ព្រៃ​ព្រះ​រកា នៃ​ស្រុក​ត្បែងមានជ័យ ស្រុក​ឆែប និង​ស្រុក​ជាំ​ក្សាន្ត ខេត្តព្រះវិហារ យ៉ាង​គឃ្លើន​។

បញ្ហា​នេះ​លោក សាយ សំ​អាល់ រដ្ឋមន្ត្រី​ក្រសួងបរិស្ថាន មិនគួរ​ជឿ​រតាម​របាយការណ៍​របស់​លោក អ៊ា សុខា ប្រធាន​មន្ទីរ​បរិស្ថាន​ខេត្តព្រះវិហារ និង​លោក យ៉ាន ប៊ុនធឿន នាយក​ដែនជម្រកសត្វព្រៃ​ព្រះ​រកា តទៅទៀត​ទេ​ព្រោះ​បទល្មើស​បំផ្លាញ​ព្រៃ​ព្រះ​រកា កំពុងរាលដាលយ៉ាងពេញទំហឹងនៅក្មុងស្រុកទាំងបីស្រុកខាងលេីនេះ៕ ដោយ:ស្ម័គ្រជាតិ